27.4.10

ખરતાં પર્ણો વચ્ચે રાત્રિઓ

શ્રી સુરેશ દલાલ સંપાદિત 'વિશ્વ કવિતા'માંથી
આ કવિતા ટપકાવી હતી એવું યાદ છે.
અનુવાદક નું નામ નોધવાનું રહી ગયું હોવાથી દર્શાવ્યું નથી.

ખરતાં પર્ણો વચ્ચે રાત્રિઓ
(ડગમાર નીક –જર્મન)

રાત્રિઓ પર્ણોની.
ને તોય ખીલે છે ગુલાબ.

આંસુ જડાઈ ગયા છે મૃગનક્ષત્રની મેખલામાં.

હ્રદય એકાકી: મૃત માનવીને ગોપવતા બંધ કમરા જેવું.

જુદાઈ તો હતી ને હશે.

વીતેલા ને વીતી જતા કલાકો
મુદ્રાંકિત થયા છે આપણાં પોપચાં નીચે.

કોઈ જુદાઇ
નથી તો ભુલાઈ
કે નથી તો જીતાઈ.
સ્વપ્નો તો સ્મૃતિભોમ .
કેટલું બધું ગમે મને,
તારાં ચરણો પાસે,
રજકણ ને છાયા પેઠે, શાંત.

સમય રાહ જોતો હશે આપણા પ્રેમની- નહિં?

ખરતાં પર્ણો વચ્ચે રાત્રિઓ...

Few lines for pondering:

WE LIVE IN A COUNTRY
Where Pizza reaches home faster than the Ambulance and Police.

Where we get Car Loans @ 8% but Education loan is @ 12%.

Where Rice is Rs 40/KG but Sim Card is free.

where there are more mobiles in a village than hygienic toilets

Where a millionaire can buy cricket team, but cannot support an orphanage.

Where everybody wants to be famous but nobody wants to follow the path for
betterment of the nation.

Where people standing at tea stall reading an article about child labor from
a paper and say "yaar bacho se kaam karne walo ko to fansi pe chada dena
chahiye" and then they shout - "oye Chotu 2 chai laana"

24.4.10

વિન્ ઝીપ કા બાપ!

વિન્ ઝીપ ના " પરચેઝ નાઉ" સ્ક્રીન થી  કંટાળ્યા છો ?  
હાજર છે વિન ઝીપ નો મફત અને સખ્ખત વિકલ્પ:  ફિલ ઝીપ !


અડોબે એક્રોબેટ પીડીએફ રીડર લોડ થતા બહુ વાર કરે છે એટલે કંટાળી જાવ છો?
ફક્ત ૧ મેગાબાઈટ સાઈઝ નું લાઈટવેઇટ પીડીએફ રીડર જોઈએ છે? 
ફોક્ષીટ નું જુનું પીડીએફ રીડર ડાઉનલોડ કરવા અહી ક્લિક કરો! 

નકામી ફાઈલોને ડીલીટ કરો છો? 
ડીલીટ થયેલી ફાઈલો કમ્પ્યુટરમાં જ સચવાયેલી રહે છે, અને અમુક પ્રોગ્રામો થી એને પછી મેળવી શકાય છે. 
જો ફાઈલ નો સમ્પૂર્ણ અને કાયમી નાશ કરવા ઇચ્છતા હો તો ડીલીટ નહી, ઈરેઝ કરો! 
 


23.4.10

‘સેકન્ડહેન્ડ’ સ્મોકિંગથી થાય છે સાયનસની સમસ્યા

 

'સેકન્ડહેન્ડ' સ્મોકિંગથી થાય છે સાયનસની સમસ્યા

 

જે લોકો ધૂમ્રપાન કરતી વ્યક્તિઓની સાથે રહેતા હોય છે એટલે કે સેકન્ડ હેન્ડ સ્મોકના સંપર્કમાં આવે છે તેમને સાયનસની સમસ્યા થવાનું જોખમ રહે છે. સેકન્ડહેન્ડ સ્મોકમાં ૪૦૦૦ કરતાં વધુ એવા તત્વો હોય છે જે મનુષ્ય માટે નુકસાનકારક હોય છે. તેમાં ૫૦ તત્ત્વો કેન્સરના કારણે પણ બને છે.



એક રિપોર્ટ અનુસાર સાયનસના લગભગ ૪૦ ટકા કેસોમાં સેકન્ડહેન્ડ સ્મોક જવાબદાર હોય છે. સેકન્ડહેન્ડ સ્મોકના કારણે શ્વસનતંત્રમાં ઇન્ફેકશન થાય છે અને રોગપ્રતિકારક ક્ષમતા પર પણ અસર પડે છે. ડોકટરોએ તેમની પાસે આવનારા સાયનસના દર્દીઓને સેકન્ડહેન્ડ સ્મોકથી બચવાની સલાહ આપવી જોઈએ.


19.4.10

personality development notes-gujarati powerpoint








આ પાવરપોઇન્ટ ને ડાઉનલોડ કરવા માટે 
અહીં  ક્લિક કરો.

તું છોડાવી આંગળી મારી ઉડવાને આતુર

તા.ક.: ૨૦/૪/૨૦૧૦ - આજે ગૂગલમાં સર્ચ કરતાં જોવા મળ્યું કે આ રચના તુષાર શુક્લ ની છે અને 
ડોક્ટર મોહિત શાહ ના બ્લોગ પર  પહેલેથી ઉપલબ્ધ છે.  
તાજા તાજા કલમ: આંખો લેખ હવે વિશાલ ભાઈ ની રચના ના પ્રતાપે અહી ઉપલબ્ધ છે......... 

મારા ભાઈબંધ   પરાગ  વકીલે ઈ -મેઈલમાં મોકલેલી આ કવિતા અધૂરી હતી, ને એને એ યાદ નહોતું કે ક્યાંથી મળી હતી! એટલે મેં ગુગલ માં તપાસ કરી તો જોયું કે એક લેખ સાથે આ કૃતિ ગુજરાત સમાચારમાં ફેબ્રુઆરી ૨૦૧૦ માં પ્રસિદ્ધ થઇ હતી. પણ એ લીંક વડે જોવા મળેલ પાનું યુનીકોડમાં નહીં પણ ગોપિકા ફોન્ટ્સ માં હતું. વિશાલ મોણપરા એ બનાવેલ ફોન્ટ  કન્વર્ઝન સાધન /વેબપેજ [gurjardesh.com] વડે યુનીકોડમાં કન્વર્ટ તો કર્યું પણ પરફેક્ટ નહોતું. એટલે છેલ્લી બે લીટીમાં કદાચ કોઈ ફેરફાર સંભવ છે. મૂળ લેખ  કવિતા અને લેખકનું નામ કોઈને મળે તો જણાવવા વિનંતી છે.
તું છોડાવી આંગળી મારી ઉડવાને આતુર.  
ઉંબર,આંગણ ઓળંગીને જવા દુર સુદૂર.

અમે જ  ખોલી'તી બારી,અમે બારણા પણ ખોલીશું.
આવ્યા ત્યારે આવો કીધું, આવજો પણ બોલીશું

જીવતાં જીવતાં જે સમજાયું ,એ કહેવું છે મારે.
હું જાણું છું તારું જીવન જીવવાનું છે તારે.

બેટા, આવ બેસ પાસે.
સાંભળ. જે કહું છું આજે .

કદીક લાગશે જીવન તો છે મનગમતો તહેવાર,
કદીક લાગશે જીવન તો છે અણગમતો વહેવાર.

જીવનપથ પર  મળશે હોટલ, કદીક મળશે ઘર.
શું છે સગવડ? શેમાં સુખ છે?જાણવાનો અવસર.

હોઠ ભીંજવતું પીણું શું? શું તરસ છીપવું , પાણી
શું છે જળ અને શું મૃગજળ એ ભેદ લેવો ને જાણી.

અહંકાર અને અધિકારની મનડું ગૂંથે જાળ.
ઉડતા શીખવી,ઉડવા પણ  દઈ, રાખીશું સંભાળ

માંગતા ભૂલીઆપતા શીખો ,પામશો આપોઆપ. 
આજ નહીતો કાલે મળશે, વાટ જુઓ ચુપચાપ.

જીવન મળ્યું છે જીવવા માટે લાગણીભીનું જીવો.
તૂટે ત્યાંથી તરત જોડજો, ફાટે  ત્યાંથી સીવો.

સડી જાય  એ કાપવું પડશે એટલું લેજો જાણી
જાગ્યા ત્યાંથી સવાર સમજો, જીવન બને ઉજાણી.

કોઈને ગમતી રાતરાણી ને કોઈને પારીજાત,
કોઈને ઢળતી  રાત ગમે ને  કોઈને ગમે પ્રભાત .

પોતપોતાની પસંદમાંહે સહુ કોઈ રહેતા મસ્ત,
સુરજ પાસે શીખવા જેવું : ઉગે તેનો અસ્ત.

સંપતિને, સમૃદ્ધિને,  વૈભવ તો છે વહેમ.
"જીવન જીવવા જેવું છે" એના કારણમાં છે પ્રેમ.   

બાળપણમાં  લન્ચબોક્ષમાં મમ્મી નાસ્તો ભરતી. 
કદીક ભાવતુંકદીક તને ના ભાવતુંએ પણ મૂકતી.

ભાવતું જોઇને હરખાતી, નાભાવતું   ખાતી.
હાથ નહિ રોકાતો, જયારે ભૂખ લાગતી સાચી.

ગમતું ,અણગમતુંસઘળું જે કામનું લાગ્યું મને,
બેટા, એનું જીવનભાથું મેં બંધાવ્યું તને. 

આભે ઉડતા જોઈ તને બસ ! અમે રાજી રહેશું 
અમારો છે આ દીકરો એટલું ગૌરવ થી  અમે કહેશું

બેટા , ઊડ હવે આગળ!
લખજે કદીક   તું કાગળ !

11.4.10

જિંદગી ની પાઠશાળા

મને ગમી ગયો એ પાવર-પોઈન્ટનું ગુજરાતી ભાષાંતર .....
ડાઉનલોડ કરવા માટે અહીં ક્લિક કરો.

10.4.10

સતતનું સ્મરણ છે, સતતનો ધખારો,આ શાની અગન છે ? આ શાનો ધખારો ?
સરૂપ ધ્રુવ
 [લયસ્તરો : ગુજરાતી કવિતા આસ્વાદ]
અંદરનો ખાલીપો અને સંબંધોની રિક્તતા
એવા બહુ ખેડાયેલા વિષય પર પણ અહીં એ પોતાની અલગ જ છાપ છોડે છે.
સરૂપ ધ્રુવના કાવ્યો સ્વભાવે વિદ્રોહી છે. એમનો એક એક શબ્દ તણખા જેવો છે.

ચાલ સખી, પાંદડીમાં… - ધ્રુવ ભટ્ટ | ટહુકો.કોમ

ચાલ સખી, પાંદડીમાં… - ધ્રુવ ભટ્ટ | ટહુકો.કોમ

ચાલ સખી પાંદડીમાં ઝાકળના ટીપાની
જેમ ફરી જિંદગીને મૂકીએ,
ટેરવાનો સ્પર્શ એક ઘટના કહેવાય
કે લાગણી ગણાય એમ પૂછીએ.

જેટલીવાર સાંભળો એટલીવાર એમ થાય, કે ફરીથી એકવાર સાંભળીયે 

સ્વર : અમર ભટ્ટ
સંગીત : ક્ષેમુ દિવેટીઆ


5.4.10

Copy to / Move to Folder… હવે રાઇટ-ક્લિક વગા !

Copy to / Move to Folder… હવે રાઇટ-ક્લિક વગા !
XP સાથે કામ કરતાં-કરતાં જો કોઇ એક એક્શન વારંવાર લેવાના થતાં હોય તો એ છે : કોઇ ફાઇલને અન્ય ફોલ્ડરમાં ખસેડવી કે કૉપી કરવી. સામાન્યત: આપણે ડેસ્ક્ટોપ પર જ ફાઇલ રાખતા હોઇએ છીએ, એટલે કામ પત્યા પછી ફાઇલને અન્યત્ર રવાના કરવાની જરુર પડે જ. આ કામ માટે આપણે સૌ પ્રથમ તો જે તે ફાઇલ પર રાઇટ-ક્લિક કરી CUT  કે  COPY કહીએ છીએ અને પછી, જ્યાં PASTE કરવી છે એ ફોલ્ડર ખોલી PASTE કહીએ છીએ. પણ મૂળ ફાઇલ પર રાઇટ ક્લિક કરી તેને કયા ફોલ્ડરમાં પેસ્ટ કરવી છે એવું કહી શકાતું નથી.
       વૅલ, જો તમે Windows Explorer નો ઉપયોગ કરતા હો તો આ વિકલ્પ મળે છે. (Start > All Programs > accessories > windows explorer OR  right-click START, select explore) ફાઇલ સિલેક્ટ કર્યા પછી, Edit મેનુમાં જઇ તમે Copy to Folder કે Move to Folder સિલેક્ટ કરી શકો છો. આ સાથે જ કમ્પ્યુટરના તમામ સ્થાનો નો નકશો આવી જશે ( જે તમે Save As કહો છો ત્યારે આવે છે), તમારે તમારું ફોલ્ડર શોધી Copy કે Move નો ઓર્ડર જ આપવાનો રહે છે.
       આ કમાન્ડને હાથવગો રાખવો હોય તો ઓર એક ટ્રીક: વિન્ડોઝ એક્ષ્પ્લોરરમાં ટુલબાર પર રાઇટ-ક્લિક કરી, ક્સ્ટમાઇઝ કહો. અહીંયા અવેલેબલ ટુલબાર બટન્સ વાળી બારીમાંથી Copy to પર ક્લિક કરી, Add પર ક્લિક કરો. આથી તે સામેની કરન્ટ ટુલબાર બટન્સ વિન્ડોમાં તેમજ ટુલબારમાં દેખાવા લાગશે. આ જ રીતે, Move to ને પણ ટુલબારમાં સામેલ કરો. પછી ક્લોઝ બટન પર ક્લિક કરી દો. હવે પછી જ્યારે પણ કોઇ ફાઇલ માટે CUT  કે  COPY કહેવાની જરુર પડે ત્યારે ઉપરના ટુલબારમાંથી Copy to કે Move to પર ક્લિક કરો, ઍશ કરો!
       બટ વેઇટ!
       ધ બૅસ્ટ ઇઝ યેટ ટુ અરાઇવ !
       કેવું સરસ લાગે જો Copy to Folder અને Move to Folder ઑપ્શન્સ રાઇટ-ક્લિક મેનુમાં જ સામેલ થઇ જાય?! ઑ.કે. કોઈ નેટર્ષિએ તમારા માટે એવી ફાઇલ [CopytoXP.reg] તૈયાર કરી છે, જેના પર ક્લિક કરવામાત્રથી Copy to Folder અને Move to Folder ઑપ્શન્સ રાઇટ-ક્લિક મેનુમાં સામેલ થઇ જાય છે. બસ ત્યારે, હવે કોઇ પણ ફાઇલને, એ હોય ત્યાંથી જ,  ઠેકાણે પાડી દો!
આ નાનકડી પ્રોગ્રામ ફાઈલ ડાઉનલોડ કરવા સોફ્ટપીડિયા સાઈટ પરની નીચેની લીંક પર ક્લિક કરો, ડાઉનલોડ કરો.. અને મજા કરો!
http://www.softpedia.com/progDownload/Add-Copy-To-Move-To-Download-139487.html
[ આવો જ અન્ય પ્રોગ્રામ અહિયા મળશે ]

 
   

2.4.10


અહંકાર શું છે?
' હું ચંદુભાઇ છું ' અહંકાર.
જ્યાં તું નથી ત્યાં તું પોતાપણાનો આરોપ કરે છે તે અહમ.
પોતે નથી ત્યાં માની લીધું કે હું છું એનું નામ અહંકાર.
અહંકારથી જ આ બધું ઊભું થયું છે ને અહંકાર વિલય થાય એટલે મુક્તિ છે !
આ અહંકાર શેના હારુ ? જેણે અનંત અવતાર મુશ્કેલી માં મૂકી દીધા એ તો પાકો શત્રુ છે. 

અહંકાર હંમેશા પોતાનું ખોટું ના દેખાય એવો ધંધો કરે.
અહંકાર આંધળો હોય એટલે બધું ઉંધુ-છત્તું કરે. સ્વભાવથી જ આંધળો છે, સહેજ બુદ્ધિની  આંખે થોડું ઘણું જુએ છે અને બુદ્ધિ ની સલાહથી ચાલે છે. એ બુદ્ધિ જ્યાં કહે ત્યાં એની સહી કરે. બાકી આમ પોતે આંધળો છે.

મનુષ્ય થઈને પ્રાપ્ત સંસારમાં ડખો ના કરે તો સંસાર એવો સરળ ને સીધો ચાલ્યા કરે પણ આ પ્રાપ્ત સંસારમાં ડખલ કર્યા જ કરે છે. પ્રાપ્ત સંજોગોમાં સહેજ પણ ડખલ ના હોય તો ભગવાનની સત્તા રહે , તેને બદલે ડખો કરે અને પોતાની સત્તા ઉભી કરે છે. 
આપણે જે ભાવના કરીએ છીએ એનાથી આ પાપ કે પુણ્ય બંધાય છે , તો એ ભાવના કોની ? અહંકારની.

આ ગાંડો અહંકાર છે એ કેવી રીતે ખબર પડે?
દુઃખ આપે એ બધો અહંકાર ગાંડો.
જેને લોકો એક્સેપ્ટ ના કરે ને અહંકાર પોતે હું કઈક  છુ એવું માની બેઠો હોય, તે ગાંડો અહંકાર કહેવાય, કદરૂપો અહંકાર કહેવાય.
નિયમ શું છે કે જે અહંકાર વહોરી લે, તેના માથે જોખમદારી થાય. અહંકાર જે કરે તેને એનું ફળ મળે. થતું હોય એની મેળે, કર્મ ના ઉદયે રાજા બનાવ્યા એમને, પણ એ અહંકાર કરે મેં કર્યું ! કે માર પડ્યો.

જ્યાં સુધી આપણે છંછેડીએ નહીં  ત્યાં સુધી આપણા વ્યવસ્થિતમાં  કંઈ ડખો ડખલ ના થાય? 
ના, કોઈના અહંકારને આપણે કશું પણ ન કરીએ તો કોઈ કશું કરે નહીં .
વિનયમાં રહો , અવિનય નહીં કરો તો કોઈ તમારું નામ લેનાર નથી.

અહંકાર જાય ક્યારે?
કૃપાળુદેવે કહ્યું , દીઠા નહી નિજદોષ તો તરીએ કોણ ઉપાય? જ્યારથી દોષ દેખાવાના થાયને, ત્યારથી કૃપાળુદેવનો ધર્મ સમજ્યો કહેવાય. પોતાના દોષ દેખાય નહીં ત્યાં સુધી કશું સમજ્યો નથી.
બીજાના દોષ દેખાય છે તે આપણા જ દોષનો પડઘો છે.
મોટામાં મોટો આપણો જ દોષ છે. એને અહંકાર કહેવાય !

કોઈ ગાળ ભાંડે તો અહંકાર ઘવાય? અહંકાર ઘવાય તો સારૂં, ઓછું થાય એટલું. ઘવાતું ઘવાતું પડી જાયને? અહંકારનું રક્ષણ કરવા જેવું નથી. અહંકાર પોતે જ રક્ષણ કરી લે એવો છે.

અહંકાર જાય ક્યારે? અહંકાર ખોટો છે, એવું સ્વીકાર્ય બને ત્યારે. જ્યાં કકળાટ થાય ત્યાં સમજી જવું કે પોતાનો અહંકાર ખોટો છે. એટલું સમજ્યા તો તે અહંકાર જાય.
મતભેદ પડે ત્યાં આપણીજ ભૂલ છે એમ માનીશું ત્યારે જગતનો છેડો આવશે.

વ્યવહાર માં જે ખરું - ખોટું બોલવામાં આવે છે તે બધું ઈગોઈઝમ છે. કોઈનું ખોટું તો છે જ નહીં જગતમાં. બધું વિનાશી સત્ય છે, તો પછી એમાં શું પકડ પકડવાની ? કશું ખરું - ખોટું હોતું જ નથી, બધું કરેક્ટ જ છે. પછી સહુ સહુનું ડ્રોઈંગ જુદું જ હોય. એ ડ્રોઈંગ કલ્પિત છે, સાચું નથી.

જીભની, વાણી ની ભાંજગડ અને ઘડભાંજ એ શું છે?
એ અહંકાર છે પૂર્વભવનો. એ અહંકારથી જીભ ગમે તેમ આપે અને એમાં સ્પંદનોની અથડામણ ઉભી થાય. આજે તો જે દુઃખો છે તે મોટા ભાગે તો જીભના, વાણીના સ્પંદનોના જ છે.
વીતરાગ વિજ્ઞાન શું કહે છે કે ઘરનાની પ્રકૃતિ ને જીતો. જીતો એટલે?
એ બધા તમારી પર ખુબ રાજી થાય. તેથી એમને દુઃખ ના થાય , એવી રીતે જીતો.
બહાર દુનિયા જીતવાની નથી, તમારી ઘરની સાત ફાઈલો છે એને જીતો. દુનિયા જીતાયેલી જ છે.
તમારી ફાઈલ ને મુકીને નાસી છુટ્યા ને સાધુ થઇ ગયા, તો દહાડો વળે નહીં . એ ફાઈલને જીતવી પડશે. એ ફાઈલ જ તમારે માટે આવેલી છે. 

આપણે ગમે તેટલું કરીએ પણ સામો ના સુધરે તો શું કરવું?
આપણે સુધર્યા ના હોઈએ ને બીજાને સુધારવા જઈએ, એ મીનિંગલેસ છે. ત્યાં સુધી આપણા શબ્દ પણ પાછા પડે. અહંકારથી સામાને દબડાવી-કરીને કામ કરાવવા જઈએ, તો સામો વધારે બગડે. જ્યાં અહંકાર નથી , ત્યાં તેને બધા કાયમ સિન્સીયર હોય, ત્યાં રિયાલીટી હોય. અહંકાર નુકસાનકર્તા છે એવું જાણી લો ત્યારથી જ બધું કામ સરળ થાય.
વઢવું  એ મોટામાં મોટો અહંકાર છે, ગાંડો અહંકાર છે.
વઢેલું કામનું ક્યારે કહેવાય? પૂર્વગ્રહ વગર વઢે તે.   

અહંકારના બે રસ્તા કરવા જેવા છે.
જો મોક્ષે જવું હોય તો અહંકારને છોડાવવા માટે મારી પાસે [જ્ઞાની પુરુષ પાસે] આવવું જોઈએ. જે અહંકારથી મુક્ત છે ત્યાં તમને એ અહંકારથી મુક્ત કરી શકે.
જો સાંસારિક સુખો જોઈતા હોય ઓ અહંકારને સુંદર બનાવો. લોકો પસંદ કરે એવો અહંકાર જોઈએ.